الأربعاء، 21 سبتمبر، 2011

((إعــتــرافـــات))...!!





أتدري.......؟؟!!!!!!
أُخبأ لك من الإعترافات ما يعجز خيالك عن تصورها...
"إعترافــ...ـات"...أحفظها جميعا عن ظهر قلب بكل أسرارها...
و أتدلل عليك كذبا و أتحجج بالنسيان حين تبدأ بالسؤال عن تفاصيلها...

ولــكــــن...
... لن أعترف لك بما يدور في عالمي الذي صنعته بكل إتقان..
....وعينتك " أنت" الحاكم بأمره فيه.....

"ذلـــك العــالم" ..الذي أراهنك بحبي لك..

إنك مهما بحثت في نفسي فلن تستطيع إكتشافه ولو بدهائك الرجولي..
(( إلا ))...
عندما يأتي اليوم الذي ستمتلكني فيه...

(( وعندها ))...
سَأُظْهر لك المفتاح الذي تستطيع أن تدخل بيه ذلك العالم الخفي..

((ولكن تذكر حينها)),,,,,,

أن لا تشتكي لي من صرخات قلبك وضجيج نبضاته ..
"حينما تستكين على عرشك وتذوب حبا مما ستراه هناك"..!

الأربعاء، 31 أغسطس، 2011

في أول عيد إتكتب يكون لينا....


في أول عيد إتكتب يكون لينا....

" الجديد"

مش طقم عيد..
ولا
عيدية تخليك سعيد..


الجديد.....
        

    كل سنة وأنت طيب اللي بتجيلك من القريب والبعيد...الجديد......

الجديد.....


هيا نغمة في صوتك جديدة....إتلونت بيا....فحستها وخلتني بالعيد سعيدة...


الجديد.....

هو إحساس غريب جالك... إنك ليا...... فكلمتني عشان تثبتلي مشاعرك الأكيدة...
وعشان مصعبهاش عليك.....هقولك ...الجديد فيك...............



هو أنـــــــــــــــــا.....(*_^)



















وفــــي كـــــل عــــيــد,,,,



تــتــجــدد الآمــال فـي الحصول على المزيد


مـن الـفرح..(^_^)

الأربعاء، 27 يوليو، 2011

(إن عرفت من أنا؟؟),,,,


(أدري ما تراه بعينيك ),,,,

بعيد أنت...

و أنا أبعد...

وتمر أيامنا و نشعر بتغريب السفر و طول المسافات...

ويمضى الوقت كالإيام والشهور والسنين مع إن الذي مر ساعات...

...فينطفئ ضي الفرحة بملامحك ليغمرك شجنك...

عندما تتخيلني فينتـفض قلبك مشتاقا لكل ما هو آت...

فترى الحل هو أن تهرب بعيون مغمضة ليضمك العالم الذي فيه سكنك...

لعلك تراني بحلم فيتبدل البعد بيننا و تجذبنا النظرات...

وما إن إقتربت منك لأصبح بلحظة أسيرة بين يديك...

توقظك نبضات قلبك من النوم لتتفاجئ بتسارع الدقات...

(أتدرى,,,,؟؟؟؟؟).....

ستعاني أكثر وأكثر يا ملكي...

ستعاني أكثر لإنك تراني بعينيك...

فلا تسمع ما تمليه عليك...

فأنا أقرب إليك من أن تراني...

(فإن عرفت من أنا)...

فستشعر بروحي تحيا بداخلك.....لإنها روحك...

وسترى إلهامي يتدفق على أوراقك.....لإنه من أفكارك...

وسأتمنى أن أكون سجينة أحلامك.....لإنها من وحي خيالك...

فأنا,,,,

.
.
(أنت),,,,


وأنت,,,,

.
.
(مني),,,,

الاثنين، 28 مارس، 2011

عمر ما شمسي في يوم هتغيب


عمر ما شمسي في يوم هتغيب...


وهتشرق كل يوم و لو بأي طريقة...

حتى لو كانت حرارتها عالية في يوم صيف...

ولا جت في الشتا وظهرت كده على خفيف...

بردو هتفضل شمسي موجودة و ديما صديقة...

وفي حرها أو في بردها ..ومهما كانت حالتها...



 هتكون للكون كله بريئة...

مش هيا دي الحقيقة ؟؟؟....(*_^)



وليدور الحديث بيني وبين ذاتي



صمتي يهلك أعماقي...فصمتي هو مناجاة أغوص بها في

بحور روحي ...

وليظنون أن صمتي هو راحة لهم كهدوء إعتيادي....
ولكني بالتأكيد أدري...

أن صمتي هو حيرة لهم......
ورعب من ثورة فيهم.....

وحجة عليهم.....
فسأصمت...............

وليدور الحديث بيني وبين ذاتي .................

الأحد، 20 مارس، 2011

الطـيف "الأزرق"




وحده فقط من يجعلني أرى الدنيا بلوني المفضل ,,,
إنه ذلك الطـيف "الأزرق" بنقائه الذي أخذني إليه ,,,
ولكنه بدأ يختفي................!!!!!
.
.
كعــــــادتــــه ......... 
سيختفي مع كل أطياف الفجر بألوانها ,,,
سيغيب في كل إشراقة شمس لأيامي القادمة ,,,

ولو يدري ذلك الطيـف الأزرق ..
 كم أشتاق لعالمي بلمساته.....

لـو يـدري........!

لما غـــــــــــاب .........!

وظـل معـي في كل فـجـر ......!


الجمعة، 11 فبراير، 2011




الحمد لله الذي أحقن الدماء.....

ولم يضيع منا حق الشهداء.....

وليرفع كل مصري رأسه إلى علياء العلياء...............

فإن كانت أجساد من إستشهدوا تحتضنها الأرض...

فأرواحهم  تطير  بنقائها في السماء...

فأحرار سنعيش ... وأحرار نموت........

ولكن أحرار مستقلين بكرامتنا الحسناء .....
.............................................


((الشعب ....قام ....بإسقاط....النظام....))

الأحد، 6 فبراير، 2011

طلب ثوار 25 يناير(("الضمانات"..هو طلب صعب أوي كده !!! ))


((اللهم إني قد بلغت.. اللهم فأشهد..))............
أنا كنت بحاول أفهم الوضع المعقد اللي حطنا فيه مبارك بخطابه الملتوي..
و يمكرون و يمكر الله و الله خير الماكرين "...(-_-)


- كنت بحاول أفهم نظرية الناس اللي بتطالب برحيل مبارك فورااا واللي كنت معاهم ..
(( فلقيت المادة 82 و84 بتعارض برحيله تنفيذ أي حاجة من مطالبنا ))..

فقلت لأ ميرحلش دلوقتي.................................
"لإن كل اللي يهمني تنفيذ مطالب الثورة اللي شاركنا كلنا فيها...... "


- ((لكن رجعت لقيت المادة 139 بتقتضي إنه يفوض كل صلاحياته لسليمان
" وهو مش موافق لحد دلوقتي "))..
واللي نادى بيها بيان لجنة الحكماء ......وده هو البيان .......

طيب ليه مش موافق  ؟؟؟

مع إن ده يعتبر تنحي مستتر ومش هيبقى فيه أي إهانة ليه خالص ..!
وبالعكس كل الناس هتتعاطف معاه ..واللي في التحرير يرجعوا والأزمة تتحل ...
وعدم موافقته دي في حد ذاتها بيفقدنا الثقة في نيته في اللي جي مكفهوش 30 سنة !!!!....


وبالنسبة للدستور لقيت إننا هنقدر نغيره
 في وجود المادة "3 "..
((السلطه تستمد تشريعها من الشعب ))...

 وإن أصلا بوجود الثورة بينتفي الدستور....

ويقدر رئيس المحكمة الدستورية يغير في الدستور مع تنحي الحاكم..


- وأدي فيديو للمحامي عصام سلطان..
بيوضح الحلول الدستورية اللي هتم بعد تنحي الرئيس..


- وبعيداا بقى عن الغوص في بحور الدستور
اللي أغلبنا بيجتهد عشان يتكلم فيها...
 زادت شكوكنا أكتر لما تمت حملة إعتقالات
 لنشطاء ميدان التحرير بمجرد مغادرتهم الميدان..
ومتمش الإفراج عن المعتقلين وفي ناس مختفية لحد دلوقت..
أومال لو الدنيا هدت بقى هيتعمل فيهم إيه؟؟؟؟؟؟


- غير التباطؤ الملحوظ في إنه يتم الإعلان الفوري عن متسببين مجزرة التحرير......
مع إنهم معاهم ناس ممسوكة ومعاهم كرنيهات الأمن والحزب الوطني اللي كانت مع البلطجية.....
يبقى ليه البطء ده..... ؟؟..
وأنت ناوي على تهدئات وإصلاحات مش إنتقامات.....!!

- والناس بتطالب بالرحيل وتغيرات جذرية وضمانات للثقة..
والرئيس رايح يجمع الوزراء ....!!
طيب والإعتراضات و المحتجين في الميدان...!!!!!!
ده حتى مش عايز يلغيلهم" قانون الطوارئ" عشان يطمنهم على حياتهم..
((وإلغائه مش محتاج جلسة من مجلس الشعب..لانه أصلا إتفرض من غير مشاورة من مجلس الشعب..وده قاله ساويرس
يبقى ليه متلغاش.....؟؟؟)))
.يبقى كده أثبت نيته ... "و إنه ناوي على الشر وربنا يسترها"


- ولما قدم إستقالته من رئاسة..
 "فيران الحزب الوطني اللي عمره ما هيبقى حاكم"..
ده تغيير ياما طالبناه بيه.. !
وإحنا أصلا ضد فكرة إن يكون في حزب حاكم...

It’s Too Late .....

- ولما إتحط "حسام بدراوي " أمين للحزب الوطني "..
يبقى كإن مفيش ثورة  ودي محاولة لتخدير العقول ..
عشان نتوهم بتغيرات مزيفة وإن هيحصل تغيير ......
وعشان كمان نعترف بشرعية حزب من أوله لآخره فاسد ومرفوض...

وكمان هو أصلا متمسك بالكام يوم دول ليه؟؟..وعارف إن بقائه بيزيد في الدم؟؟

"... ده حتى الملك فاروق قال..."

(((ان نقطة دم مصريه أثمن عندي من كل عروش الدنيا ،
 والرحيل فورا أهون على قلبي من سفك دماء مصريه حفاظا على منصبي...)))) 

- ولما رايح يتكلم "لقناة أجنبية " بكل لطف وبشاشة زي ما  قالت المذيعة ومخلي الوش الخشب لينا...
ويقول أنا عايز أمشي..
بس خايف من الفوضى وإن الأخوان يمسكوها...
وكإنه بيبعت رسالة لأمريكا ولكل الخارج عشان يقفوا معاه..
وكل همه بره وإحنا شعبه مهمشنا ولا بيرد علينا...........

طيب وإحنا يا ريس...مش سامعنا هنا بننااااااااااااادي؟؟؟؟

- وأخــــــيـــرااا وليس آخـــــــراااا....
لو في أي نية إنه ناوي على تصليحات مش إنتقامات ..
وإني ظالمة ومفترية على السيد الرئيس محمد حسني مبارك...
طيب ما يوضح نيته السليمة بكل شفافية ومن غير مراوغات.. (*_*)

و.....أنا خلاص أخدت قراري....ومش هغير رأيي....
 غير لما يقدملنا ضمانات ملموسة و بكل شفافية..
بطريقة 1+1="2"..مش =" 2ونص ولا 1 إلا ربع"...

*إحنا بردو شباب لينا لغة سياسية مبنية على التفاهم...
مش ثورية غير قابلة للتفاوض وخلاص..
يعني بردو  الحكاية مش
 "يا يتحققلنا كله .. يا نولع ليكم في كله ".....
*ودي من ضمن الاشاعات الكتير اللي حرام تطلع على شباب زي شباب ميدان التحرير الأحرار.....
وبالتأكيد مش هيكون ده منطق تعامل على أساس سليم...

واللي إحنا طالبينه ضمانات واضحة
ومش صعبة أوي كده يا ريس.....................

ولو الشغل والسياسات هتمشي بثقافة 

" نسيبك تهبهب ومحدش هيرد عليك".....

عشان كده.. إحنا بنقول لأ.. ولأ للأبد .. وده كان قراري.....
(( وزي ما قال جيفارا..أنصاف الثورات هي كفن الشعوب ))..

وكل اللي أنا عايزاه.....إن مصر هيا اللي تكسب....
مهما اختلفت طريقتنا وتفكيرنا..كلنا مصرين وعايزين الخير لمصر..

وبردو لازلنا كلنا بندعي............................
.
.

"اللهم أرنا الحق حقاً ..وأرزقنا إتباعه.. وأرنا الباطل باطلاً.. وأرزقنا إجتنابه "


الخميس، 27 يناير، 2011

((خايفة على ولادي من قبل حتى ما يجوا (*_*)..))



كنت عايزة أقول كلمتين  وجعوني أووي وأنا بكتبهم ....

بس هو ده اللي جوايا(~_~)...

.

منكرش إني كنت خايفة أوووي على بلدي من اللي هيحصل.....

وأهلي كمان خايفين عليا ومنعوني من أني أنزل مظاهرات أيام الغضب...


بس سعتها كنت بفكر في المستقبل اللي مستنينا...

وبتخيل مستقبلي ........ومستقبل ولادي!!!..


- وأد إيه حسيت أني خايفة أوي على ولادي دول...

((ولادي اللي لسه مشفتهمش))...!!!

واللي خايفة عليهم .. من قبل حتى ما يجوا..(*_*)


-بصيت للمستقبل وفهمت أنهم هيتظلموا بجد  ....!!

لما يجوا لدنيا مقفول فيها كل سبل العيش بأمان وحرية وكرامة...


- دنيا مفيش فيها حق في أنك تحلم ...............

ويبقى عندك أمل في إن أحلامك بإذن الله هتتحقق ...

ومتبقاش خايف من ظلم وفساد ومحسوبيات..

"3 كلمات بالتأكيد كافية إنها تبيد كل حلم بتعافر عشان تحققه"..



- وكنت متأكدة أني هكون أذنبت في حقهم
لو فضلت محتفظة بصمتي السلبي...

- وتخيلت لما يجي يوم وأشوفهم أدام عينيا بيكبروا
 وبيتخرجوا من كلياتهم اللي إختاروها بنفسهم ...
عشان عندهم هدف مركزين عليه..ورسالة عايزين يأدوها,,,
 (و بتعليمهم... وحبهم للواجب اللي عايزين يأدوه ..)
يأدوا رسالتهم بنجاح...........................

هيبقوا عارفين  مني إن كل واحد مهما كان عمله.. 
هو بردو جندي في ميدانه..
ولازم يأدي واجبه على أكمل وجه...
عشان ينفعوا  نفسهم و ينفعوا غيرهم ...(*_*)
.
.
خفت أوووووووي بقى لو جه اليوم ...!!!!!!!!!!!!!!
وألاقيهم مش عارفين يعملوا حاجة في الدنيا اللي إتوجدوا فيها دي....
وأشوف بعيني.. (يأسهم)...و (إحباطهم )..و (حسرتهم )..

و(خوفهم من مستقبل مجهول ملوش عناوين واضحة...(

ووجودهم في غابة طغى فيها الطالح على كل إنسان صالح عايز يقدم الخير....(-_-)

((لو جيه يوم إسود زي ده !!!!!!!..((....
حسيت إني هندم ندم بعمري كله ..(-_-)

في أني سكت...وخفت...
 وتجاهلت بسلبية مقصودة اللي بيحصل حولينا في الأيام دي....

هندم لإني محاولتش ولو بصوتي.. ولو بقلمي.....
ولو بأي عمل إيجابي بسيط جداااااااااا......

( في إني أبنلهم مستقبل على أساس سليم)...

""وعشان يبقى لولادي مستقبل....!
لازم أنا كمان أحارب وأحافظ على مستقبلي.... ""
.
.
عشان كده مش قادرة أسكت........
.
.
ولو مقدرتش أنزل مع أخواتي الرجالة و البنات الشارع...  
يبقى على الأقل أعمل اللي عليا ..وأتابع...وأقول رأيي ..
وأنشر أخبار غضب بلدي............
 وتجارب الناس اللي بيضحوا بنفسهم عشانا  في كل مكان...........

وأنوي أنا وكل اللي بخاف عليهم
وبخاف على مستقبلهم زيي بالظبط .....
((ننوي الصــيام في أيام الغضب((....

وندعي على صلاة المغرب إن ربنا يكتب الخير لبلدنا
 أيان كان الخير ده هو إيه....!!

ويرجع خيرة رجالة مصر لأهاليهم سالمين غانمين بإذن الله...

ويكتبلنا كلنااااا مستقبل آمن لينا ولأولادنا...

عشان نعرف نرد عليهم ونفهمهم لما يجوا ويسألونا في يوم من الأيام ساعت ما يكتب ربنا سبحانه وتعالى ليهم الحياة.............

"عملتوا إيه يا أبويا وأمي عشان مستقبلي يبقى آمن؟ (*_*)