الخميس، 27 يناير 2011

((خايفة على ولادي من قبل حتى ما يجوا (*_*)..))



كنت عايزة أقول كلمتين  وجعوني أووي وأنا بكتبهم ....

بس هو ده اللي جوايا(~_~)...

.

منكرش إني كنت خايفة أوووي على بلدي من اللي هيحصل.....

وأهلي كمان خايفين عليا ومنعوني من أني أنزل مظاهرات أيام الغضب...


بس سعتها كنت بفكر في المستقبل اللي مستنينا...

وبتخيل مستقبلي ........ومستقبل ولادي!!!..


- وأد إيه حسيت أني خايفة أوي على ولادي دول...

((ولادي اللي لسه مشفتهمش))...!!!

واللي خايفة عليهم .. من قبل حتى ما يجوا..(*_*)


-بصيت للمستقبل وفهمت أنهم هيتظلموا بجد  ....!!

لما يجوا لدنيا مقفول فيها كل سبل العيش بأمان وحرية وكرامة...


- دنيا مفيش فيها حق في أنك تحلم ...............

ويبقى عندك أمل في إن أحلامك بإذن الله هتتحقق ...

ومتبقاش خايف من ظلم وفساد ومحسوبيات..

"3 كلمات بالتأكيد كافية إنها تبيد كل حلم بتعافر عشان تحققه"..



- وكنت متأكدة أني هكون أذنبت في حقهم
لو فضلت محتفظة بصمتي السلبي...

- وتخيلت لما يجي يوم وأشوفهم أدام عينيا بيكبروا
 وبيتخرجوا من كلياتهم اللي إختاروها بنفسهم ...
عشان عندهم هدف مركزين عليه..ورسالة عايزين يأدوها,,,
 (و بتعليمهم... وحبهم للواجب اللي عايزين يأدوه ..)
يأدوا رسالتهم بنجاح...........................

هيبقوا عارفين  مني إن كل واحد مهما كان عمله.. 
هو بردو جندي في ميدانه..
ولازم يأدي واجبه على أكمل وجه...
عشان ينفعوا  نفسهم و ينفعوا غيرهم ...(*_*)
.
.
خفت أوووووووي بقى لو جه اليوم ...!!!!!!!!!!!!!!
وألاقيهم مش عارفين يعملوا حاجة في الدنيا اللي إتوجدوا فيها دي....
وأشوف بعيني.. (يأسهم)...و (إحباطهم )..و (حسرتهم )..

و(خوفهم من مستقبل مجهول ملوش عناوين واضحة...(

ووجودهم في غابة طغى فيها الطالح على كل إنسان صالح عايز يقدم الخير....(-_-)

((لو جيه يوم إسود زي ده !!!!!!!..((....
حسيت إني هندم ندم بعمري كله ..(-_-)

في أني سكت...وخفت...
 وتجاهلت بسلبية مقصودة اللي بيحصل حولينا في الأيام دي....

هندم لإني محاولتش ولو بصوتي.. ولو بقلمي.....
ولو بأي عمل إيجابي بسيط جداااااااااا......

( في إني أبنلهم مستقبل على أساس سليم)...

""وعشان يبقى لولادي مستقبل....!
لازم أنا كمان أحارب وأحافظ على مستقبلي.... ""
.
.
عشان كده مش قادرة أسكت........
.
.
ولو مقدرتش أنزل مع أخواتي الرجالة و البنات الشارع...  
يبقى على الأقل أعمل اللي عليا ..وأتابع...وأقول رأيي ..
وأنشر أخبار غضب بلدي............
 وتجارب الناس اللي بيضحوا بنفسهم عشانا  في كل مكان...........

وأنوي أنا وكل اللي بخاف عليهم
وبخاف على مستقبلهم زيي بالظبط .....
((ننوي الصــيام في أيام الغضب((....

وندعي على صلاة المغرب إن ربنا يكتب الخير لبلدنا
 أيان كان الخير ده هو إيه....!!

ويرجع خيرة رجالة مصر لأهاليهم سالمين غانمين بإذن الله...

ويكتبلنا كلنااااا مستقبل آمن لينا ولأولادنا...

عشان نعرف نرد عليهم ونفهمهم لما يجوا ويسألونا في يوم من الأيام ساعت ما يكتب ربنا سبحانه وتعالى ليهم الحياة.............

"عملتوا إيه يا أبويا وأمي عشان مستقبلي يبقى آمن؟ (*_*)

الجمعة، 14 يناير 2011

لحظات متتوصفش بالكلام....




لحظات متتوصفش بالكلام....
لما تبقى في حالة من حالاتك الغريبة...

اللي مش فاهم فيها إنت إحساسك عايز يقلك إيه!!!! ....

ولا أنت كويس ولا يائس ..

ولا أنت أصلاااااا مش حاسس...

وتيجي حاجة صغيرة....

تلهمك بإحساس رهيب بإنك راضي بكل حاجة في حياتك....
سواء حياتك زعلان منها بقى ولايمكن مبسوط بيها....
بس إنت راضي ومطمن على الآخر أوووووووووووي....
وواثق في عفو الرحمــــــان المــــنـــان..
إنه هيغير كل حالك لحال أحسن ..
.
حال إنت حتى متعرفوش ولا عندك أي فكرة هيكون عن إيه وعن مين!!!!...
.
بس واثق إنه أكــــــيد أحسن.....(^_^)...

وتلاقي نفسك بتصرخ بهدوء....
وتستغيث في كلمة (ياااااااااااااااااااااااارب (...


ومش عارف ...
هل تكمل كلام عن أمانيك .. اللي نفسك إنها تتحقق.....؟؟؟؟؟؟؟؟

و يمكن تكون خايف..
من إنك بتتمنى الأمنيات الغلط .. وأنت مش مدقق...!!!!!!!

و بتتكلم مع نفسك عن خير كبير عايز تدعي بيه..
لكن...مش واثق.....
 من أحلام ممكن تبقى في الحقيقة أوهام...
وأماني مش مكتوبة ليك أصلا.. وخايف تصدق ..(*_*)..!!!
.
.
وفجأة تهمس لنفسك بطيبة....

وتقول (((ليه أحير نفسي وأتمنى)))..!!!

وربنا بكرمه ممكن يكون شيلي أمنيات أجمل أنا معرفش عنها حاجة فعلااا...
.
فتسكت......
وتثق بكل ما إداك ربنا من الثقة....
.
وبس بتقول...(يااااااااااااااااارب...)
.
.
::
يارب إرضى عن الدنيا وخليها تمـطر كـمان وكمان وكمان::(^_^)..
.
.
.
كلام من جوايا في لحظات المطر,,,